Tónlistarkonan Selena Gomez tryggði að allra augu beindust að henni á Screen Actors Guild verðlaunahátíðinni í gær þegar hún var með hálsfesti sem kostar 126 milljónir króna.
Hálsfestin er frá skartgripahúsinu Bulgari sem hefur undanfarna mánuði verið duglegt við að lána ungum upprennandi stjörnum skart fyrir stóra viðburði. Leikkonan Zendaya var eftirminnilega með hálsfesti frá skartgripahúsinu á frumsýningu Dune í september á síðasta ári.
Gomez geislaði á rauða dreglinum í gærkvöldi í kjól frá Oscar de la Renta. Minnti hún óneitanlega á leikkonuna Audrey Hepburn úr kvikmyndinni Breakfast at Tiffany's. Förðunarmeistari Gomez, Hung Vanngo, sýndi frá undirbúningnum fyrir hátíðina á Instagram og má þar sjá hvernig hann gjörbreytti henni á stuttum tíma.
Stílisti hennar var Kate Young og Marissa Marino greiddi henni.