Tyrese Maxey hélt Philadelphia 76ers í einvíginu gegn New York Knicks er liðið vann, 112:106, í úrslitakeppni NBA-deildarinnar í körfubolta í New York í nótt.
Staðan í einvíginu er 3:2 fyrir New York en fjóra sigra þarf til að komast í undanúrslit austurdeildarinnar.
Maxey fór á kostum í nótt en hann skoraði 46 stig, tók fimm fráköst og gaf níu stoðsendingar. Hjá New York skoraði Jalen Brunson 40 stig.
Næsti leikur liðanna fer fram í Philadelphia aðfaranótt föstudags.